بومەلەرزە لە پارێزگای فارس-ی ئێران

بومەلەرزەیەک بە گوڕی ٥.١ پلەی ریختەر شارۆچکەی خنجی سەر بە پارێزگای فارسی هەژاند.

لە راگەیەندراوێکی پەیمانگای جیۆفیزیکی زانکۆی تاراندا هاتووە کە بومەلەرزەکە سەعات ٥:٣٣ سەرلەبەیانی ئەمڕۆ بەگوڕی ٥.١ پلەی ریختەر ناوەندی شارۆچکەی خنجی لە پاریزگای فارس لە باشووری ئێران هەژاندووە.

لە هەواڵی میدیاکانی سەر بە ئێراندا ئاماژە بەوە کراوە کە بەهۆی بومەلەرزەکەوە خانوویەک رووخاوە و ٤ هاووڵاتی بەرەگەز ئەفغانی گیانیان لەدەست داوە.