"تا ئێستا لە ئۆپەراسیۆنی چنگ-قفڵ لە باکووری عێراق ٩٣١ تیرۆریست لە چالاکی خراون"

ئەنقەرە ــ AA

وەزارەتی بەرگریی تورکیا ڕایگەیاند لە میانی ئۆپەراسیۆنی چنگ-قفڵ کە تا ئێستا لە باکووری عێراق بەردەوامە، ٩٣١ تیرۆریست لە چالاکی خراون.

ڕاوێژکاری پەیوەندییەکان و ڕاگەیاندن لە وەزارەتی بەرگریی تورکیا، ئەدمیراڵ زەکی ئاکتورک لە کۆنگرەیەکی ڕۆژنامەوانییدا ئاماژەی بەوەدا کە ئۆپەراسیۆنی چنگ-قفڵ بۆسەر تیرۆریستانی پەكەكە لە باکووری عێراق بەردەوامە.

ڕاشیگەیاند کە لە میانی ئۆپەراسیۆنەکەدا تا ئێستا، ٩٣١ تیرۆریست لە چالاکی خراون.

باسی لەوەشکردووە کە ھەر لە میانی ئۆپەراسیۆنی چنگ-قفڵ، ژمارەیەک حەشارگە و ئەشکەوتی تیرۆریستانی پەكەكە کە بڕێکی زۆر تەقەمەنیان تیایدابوو، خاپوورکراون.

ئەوەشی خستووەتەڕوو لە سەرەتای ئەمساڵەوە تا ئێستا، سێ ھەزار و ٩٨١ کەس دەستگیرکراون کە بەنیازبوون بە ڕێگەی نایاسایی سنوور ببەزێنن و بێنە ناو خاکی تورکیاوە.