توركیا ئیدانه‌ی كۆبوونه‌وه‌ی ماكرۆن و په‌یه‌ده‌/یه‌په‌گه‌ ده‌كات

ئه‌نقه‌ره‌ - AA

گوته‌بێژی وه‌زاره‌تی ده‌ره‌وه‌ی توركیا، تانژو بیلگیچ ئیدانه‌ی كۆبوونه‌وه‌ی سه‌ركۆماری فه‌ڕه‌نسا، ئیمانوێل ماكرۆن له‌گه‌ڵ ئه‌ندامانی به‌ناو "كۆنسه‌ی دیموكراتی سووریا" كه‌ سه‌ر به‌ باڵی سووریای رێكخراوی تیرۆریستی په‌كه‌كه‌، په‌یه‌ده‌/یه‌په‌گه‌یه‌ كرد.

تانژو به‌شێوه‌ی نووسراو وه‌ڵامی پرسیارێكی دایه‌وه‌ و نووسیوویه‌تی: " ئیدانه‌ی كۆبوونه‌وه‌ی سه‌ركۆماری فه‌ڕه‌نسا، ئیمانوێل ماكرۆن له‌گه‌ڵ ئه‌ندامانی به‌ناو "كۆنسه‌ی دیموكراتی سووریا" كه‌ سه‌ر به‌ باڵی سووریای رێكخراوی تیرۆریستی په‌كه‌كه‌، په‌یه‌ده‌/یه‌په‌گه‌یه‌ ده‌كه‌ین".

بیلگیچ ئاماژه‌ی به‌وه‌ داوه‌ كه‌ به‌رده‌وامیدان به‌ كاری له‌م جۆره‌ له‌لایه‌ن فه‌ڕه‌نساوه‌ وێرای ته‌واوی داواكارییه‌كانی توركیایش، زیان ده‌گه‌یه‌نێت به‌ ئاسایشی نیشتمانی توركیا، یه‌كڕیزیی سیاسی و پاراستنی یه‌كپارچه‌یی خاكی سووریا و سه‌قامگیری ناوچه‌كه‌.