تورکیا.. گرتنەبەری رێوشوێنی توند لەبەردەم باڵیۆزخانەی رووسیا

ئەنقەرە - AA

دوای تیرۆرکردنی باڵیۆزی رووسیا لە ئەنقەرە لە میانی بەشداریی کردنی لە پیشانگایەکی وێنەیی، رێوشوێنێکی ئەمنی توند لە بەردەم باڵیۆزخانەی رووسیا لە ئەنقەرە گیراوەتە بەر.

ترافیکی بەردەم باڵیۆزخانەکە بە رووی هاتووچۆی ئۆتۆمبێل داخراوە. پۆلیس لە چواردەوری بینای باڵیۆزخانەکە رێوشوێنی توندیان گرتووەتە بەر و لە هەمان کاتدا بەرپرسانی باڵیۆزخانەی رووسیا پێشوازی لەو کەسانە دەکەن کە بە مەبەستی پرسە و سەرەخۆشی سەردانیان دەکەن.

ئاڵای رووسیا بەهۆی تیرۆرکردنی کارلۆڤەوە لەسەر باڵیۆزخانەی وڵاتەکە تا نیوە هینراوەتە خوارەوە.