تیلەرسن: " پێویستە گرژییەکان کەم بکرێنەوە"

پەکین -AA

وەزیری دەرەوەی ئەمریکا رێکس تیلەرسن، بانگەوازی بۆ کۆریای باکوور کرد کە هەنگاوبنێت بۆ کەمکردنەوەی گرژییەکان و گوتیشی: " بە دڵنیایەوە دەبێت کۆریای باکوور واز لە تاقیکردنەوەی موشەک بهێنێت".

تیلەرسن کە بەسەردانێکی فەرمی لە وڵاتی چینە. دوای کۆبوونەوەی لەگەڵ سەرۆکی ئەو وڵاتە شی چینگپینگ لێدوانی بۆ رۆژنامەنووسان دا و تیایدا نیگەرانی خۆی نیشاندا لە بەرامبەر کێشەکانی کۆریای باکوور

تیلەرسن ئاماژەی بەوەکرد کە وڵاتی چین هەوڵی زۆری داوە بۆ ئەوەی حکوومەتەکەی پیانگیۆنگ قایل بکات تاوەک جارێکی دیکە رێککەوتن ئەنجام بدەن و بەڵام بێ هوودە بووە و گوتیشی : " هەرچی زووە دەبێت هەوڵ بدرێت بۆ کەم کردنەوەی گرژییەکان".

تیلەرسن جەختی لەوە کردەوە کە کۆریای باکوور دەبێت واز لە تاقیکردنەوەی ئەو موشەکانە بهێنێت کە توانای هەڵگرتنی کڵاوی ئەتۆمیان هەیە و گوتیشی: " ئەمریکا هەرگیزکۆریای باکوور وەک هێزێکی ئەتۆمی قبوڵ ناکات".