ده‌نگدانی هاووڵاتییانی رووسیا نیشته‌جێی توركیا ده‌ستیپێكرد

ئیزمیر - AA

هاووڵاتییانی رووسیا دانیشتووی شاری ئیزمیر و ده‌ورووبه‌ری، به‌ مه‌به‌ستی ده‌نگدان بۆ هه‌ڵبژاردنی سه‌رۆكایه‌تیی وڵاته‌كه‌یان روویان له‌ سندوقه‌كانی ده‌نگدان كرد.

له‌ كۆنسولخانه‌ی رووسیا له‌ شه‌قامی گازیئۆسمان پاشا سندوقی ده‌نگدان دانراوه‌.

ته‌نها ئه‌و سندوقه‌ بۆ ده‌نگدانه‌كه‌ ته‌رخانكراوه‌ و بڕیاره‌ ئه‌مڕۆ و سبه‌ی به‌رده‌وام بێت.

راگه‌یه‌نراوه‌ كه‌ هاووڵاتییانی رووسیای نیشته‌جێی ناوچه‌ی ئیجه‌ش ده‌توانن له‌ ئیزمیر ده‌نگ بده‌ن.