سوپای سووریا بەنداوی تشرینی ژێر داگیرکاریی یەپەگە/سەدەگەی کۆنترۆڵ کرد

منبج - AA

سوپای سووریا بەنداوی تشرینی لە باشووری ڕۆژئاوای منبج کە لەژێر داگیرکاریی ڕێکخراوی تیرۆریستیی یەپەگە/سەدەگەدا بوو، کۆنترۆڵ کرد.

بەپێی زانیارییەکانی تیمی ئاژانسی ئانادۆڵو لە منبج، یەکەکانی سوپای سووریا لە ئەنجامی ئۆپەراسیۆنە سەربازییەکەیاندا، کۆنترۆڵی تەواوەتی بەنداوی تشرینیان کردووە.

تیمی ئاژانسی ئانادۆڵو بەیانیی ئەمڕۆ بڵاویکردەوە کە ئەندامەکانی ڕێکخراوەکە دەستیان کردووە بە کشانەوە لە بەنداوەکە.

لەو ئۆپەراسیۆنەی ئێوارەی ڕۆژی پێنج شەممە ١٥ی کانوونی دووەم سوپای سووریا دژی ڕێکخراوەکە دەستی پێکردووە، ناوبەناو شەڕ و پێکدادانی توند لە دەوری بەنداوەکە ڕووی دا، بەڵام هیچ گۆڕانکارییەک لە پێگەکاندا دروست نەبوو.