سەرۆکی رووسیا و سەرۆکوەزیرانی ئەرمینیا دۆخی قەرەباغ-یان تاوتوێ کرد

مۆسکۆ – AA

سەرۆکی رووسیا، ڤلادیمیر پوتین و سەرۆکوەزیرانی ئەرمینیا، نیکۆڵ پاشینیان لە میانی پەیوەندییەکی تەلەفۆنییدا، دۆخی قەرەباغ-یان تاوتوێی کرد.

کرملین لە راگەیەندراوێکدا تیشکی خستووەتە سەر ئەوەی پوتین و پاشینیان پەیوەندییەکی تەلەفۆنییان ئەنجامداوە.

لە میانی پەیوەندییە تەلەفۆنییەکەدا، هەردوولا ئەو رێککەوتنانەیان تاوتوێ کردووە کە لەنێوان سەرکردەکانی رووسیا، ئازەربایجان و ئەرمینیا لە ٢٠٢٠ و ٢٠٢٢ ئەنجام دراون بەمەبەستی هێنانەدی سەقامگیریی و پاراستنی ئاسایش لەسەر سنووری نێوان ئازەربایجان و ئەرمینیا.

لە میانی پەیوەندییە تەلەفۆنییەکەدا، هەروەها دۆخی قەرەباغ تاوتوێ کراوە و پوتین بە پێویستی زانیووە "تەواوی ئەو کێشانەی دێنە ئارا بە هەماهەنگی نزیک لەگەڵ هێزی ئاشتیپارێزی رووسیا لە ناوچەکە چارەسەر بکرێن".