شەڕی ناوخۆی سووریا

لەسووریا لەئەنجامی بۆردوومان و هێرشی تۆپخانەکانی سەر بەرژێمی ئەسەد و فڕۆکە جەنگییەکانی رووسیا بۆ سەر شارۆچکەی جسرشغور لە ئدلیب، کەسێک کوژرا و لانیکەم 10ی دیکەش برینداربوون.

بەپێی ئەو زانیارییانەی لەسەرچاوە لۆکاڵییەکانەوە دەستکەوتوون، ماوەی چوار رۆژە بۆردوومانەکانی سەر شارۆچکەکە بەردەوامن و ئەمڕۆش درێژەیان هەبووە و تۆپباران و هێرشەکان هەر لەبەیانی زووەوە بۆ سەر ناوەندی شارۆچکەکە و گوندەکانی دەوروبەری دەستیان پێکردووە.

بەپێی ئامارە سەرەتاییەکانیش تا ئێستا کەسێک کوژراوە و 10 کەسی دیکەش برینداربوون.

هاوکات ژمارەی ئەو کەسانەی لەئەنجامی هێرشەکاندا لەناوچەکە کوژراون بۆ 13 کەس بەرزبوویەوە.