كه‌مپێكی ئاواره‌كان له‌ سووریا بۆردومانكرا

كه‌مپێكی ئاواره‌كان له‌ پارێزگای ئیدلب باکووری سووریا له‌لایه‌ن فڕۆكه‌یه‌كی جه‌نگییه‌وه‌ بۆردومانكرا.

په‌یامنێری ئاژانسی ئانادۆڵو كه‌ گه‌یشتووه‌ته‌ كه‌مپه‌كه‌ له‌ رۆژهه‌ڵاتی ناحیه‌ی مه‌عەره‌ت نوعمان راگه‌یاند، له‌بۆردومانه‌كه‌دا ژماره‌یه‌ك كه‌سی سڤیل کوژراون و ده‌یانی دیكه‌ش برینداربوون.

حه‌مید قوته‌ینی به‌رپرس لە به‌رگریی شارستانی ئیدلب، له‌ڕوونكردنه‌وه‌یه‌كیدا بۆ په‌یامنێری ئاژانسی ئانادۆڵو رایگه‌یاند، فڕۆكه‌ جه‌نگییه‌كه‌ی رژێم به‌ سێ بۆمب كه‌مپه‌كه‌ی بۆردومانكردووه‌.

قوته‌ینی رایگه‌یاند، تیمه‌كانی به‌رگریی شارستانی دوای هێرشه‌كه‌ گه‌یشتوونه‌ته‌ كه‌مپه‌كه‌.