''لەمیحوەری ناوەران هیچ گوندێک لەدەستی داعشدا نەماوە''

هەولێر- AA

هێزەکانى پیشمەرگەى کوردستان چەندین ناوچەیان لە ژێر دەستى چەکدارانى داعش ئازاد کردووەتەوە ، بەووتەى بەرپرسی میحوەرەکانی هێزەکانی پێشمەرگەش، چەکدارانى داعش توانای بەرگریی کردنییان نەماوە و لە پاشەکشەدان.

به‌رپرسی‌ میحوه‌ری‌ ناوه‌ران، سه‌ربه‌ست تروانشی‌ بە ئاژانسى ئانادۆڵوى راگەیاند: "له‌میحوه‌ری‌ ناوه‌ران پێشمه‌رگه‌ هه‌موو ئه‌و ناوچانه‌ی‌ کۆنترۆڵکردووه‌ته‌وه‌ که‌ لە چوارچێوەی پلانی سەربازیی بۆی دیاریکرابوو، هیچ گوندێک له‌ژێر ده‌ستی‌ داعشدا نه‌ماوه‌".

تروانشی‌، گوتیشى: "تا ئه‌و شوێنه‌ی‌ خاکی‌ کوردستانه‌ پاککراوه‌ته‌وه‌، داعش وره‌ی‌ نه‌ماوه‌ رووبه‌ڕووی‌ هێزەکانی پێشمه‌رگه‌ ببێته‌وه‌، ئێمەش وەک هێزەکانى پێشمەرگە تاکو کۆتا خاڵى سنوورمان لە چەکدارانى داعش پاککردوەتەوە".

رۆژی دووشەممەی هەفتەی رابردوو، ئۆپەراسیۆنى رزگار کردنەوەى مووسڵ لەلایەن هێزەكانی پێشمەرگە و سوپا و پۆلیسی فیدراڵ و هێزەكانی دژە تیرۆری عێراق لەچەند میحوەرێکەوە دەستى پێکردووە و تاکو ئێستاش لە چوارچێوەی ئەو ئۆپەراسیۆنەدا چەندین گوند و ناوچە کۆنتڕۆڵکراونەتەوە.