مۆندیالی ٢٠١٨ی رووسیا.. سویسڕا لە سڕبیای بردەوە

کالینینگارد - AA

هەڵبژاردەی سویسڕا بە بردنەوەی لە هەڵبژاردەی سڕبیا هیوای بۆ داهاتوو زیاتر بوو.

لە چوارچێوەی یارییەکانی قۆناغی کۆمەڵەکانی مۆندیالی ٢٠١٨ ی رووسیا و لە میانی لە گروپی (ئی)دا هەردوو هەڵبژاردەی سویسڕا و سڕبیا رووبەرووی یەک بوونەوە.

یارییەکەش لە سوودی کوڕانی هەڵبژاردەی سویسڕا بە ئەنجامی ٢-١ کۆتاییهات.

سەرەتا سڕبیا لە خولەکی پێنج لە رێگەی یاریزان ئەلیکساندەر میترۆڤیچ گۆڵی پێشکەوتنی تۆمار کرد.

دواتر لە گێمی دووەم گرانێت چاکای سویسڕی تۆپێکی مووشەک ئاسای ئاراستەی گۆڵی سڕبیا کرد و بە تۆمارکردنی گۆڵێک هەڵبژاردەکەی یەکسان کردەوە.

لە کۆتا خولەکەکانیش شیردان شاکیری گۆڵی سەرکەوتنی بۆ سویسڕییەکان تۆمار کرد و هەڵبژاردەکەی کردە خاوەن سێ خاڵ.

بەم ئەنجامەش سویسڕا کۆی خاڵەکانی کردە ٤ خاڵ و بە هاوبەشی لەگەڵ بەرازیل لە سەرووی گروپەکەی دێت.