میسر.. داخستنی 41 ده‌سته‌ و رێكخراوی سه‌ربه‌ ئیخوان

قاهیره‌ - AA
حكوومه‌تی میسر ، 71 ده‌سته‌ و رێكخراوی له‌ پارێزگای قه‌لیوبیه‌ باكووری ئه‌و وڵاته‌ داخست كه‌ 41یان سه‌ربه‌ رێكخستنی ئیخوان موسلمین بوون.
راوێژكاری وه‌زاره‌تی دڵنیایی كۆمه‌ڵایه‌تی له‌ قه‌لیوبیه‌، محه‌مه‌د شەعار له‌ روونكردنه‌وه‌یه‌كدا رایگه‌یاند "وه‌زاره‌ت 71 ده‌سته‌ و رێكخراوی له‌ پارێزگاكه‌دا داخستووه‌ كه‌ 41یان سه‌ربه‌ ئیخوانه‌، هه‌روه‌ها به‌ڕێوه‌به‌رایه‌تی 13 ده‌سته‌ی ئه‌و رێكخستنه‌ی خستووه‌ته‌ سه‌ر ده‌سته‌یه‌كی تایبه‌تی سه‌ربه‌ وه‌زاره‌ت".
شەعار هیچ زانیارییه‌كی نه‌خسته‌ڕوو سه‌باره‌ت به‌ هۆكاری داخستنی ده‌سته‌ و رێكخراوه‌كان و ئه‌و دامه‌زراوانه‌ی 30 رێكخراوه‌ی دیكه‌ په‌یوه‌ستن پێوه‌ی.
هاوكات شەعار باسی له‌وه‌ كرد كه‌ پابه‌ندی یاسای نوێی رێكخراوه‌كانی كۆمه‌ڵگه‌ی مه‌ده‌نی ده‌بن كه‌ له‌ په‌رله‌مان په‌سه‌ند كراوه‌ سه‌باره‌ت به‌و دوو هه‌زار و 800 ده‌سته‌ و رێكخراوه‌ی له‌ قه‌لیوبیه‌ هه‌ن.