وەزیری دەرەوەی رووسیا لە ئەنتاڵیایە

ئەنتاڵیا - AA

بە مەبەستی بەشداریکردن لە کۆبوونەوەی گرووپی پلاندانانی هاوبەشی تورک - رووس، وەزیری دەرەوەی رووسیا سێرگێی لاڤرۆڤ گەیشتە ئەنتاڵیا.

وەزیرەکەی رووسیا کە بە فڕۆکەیەکی تایبەت گەیشتە فڕۆکەخانەی غازیپاشا، لەلایەن قایمقامی ئالانیا حەسەن تانرسەڤەن و قایمقامی غازیپاشا قادر ئەکینجی-یەوە پێشوازی لێکرا و دواتر بەرە و ئۆتێل بەڕێکەوت.

بڕیارە وەزیری دەرەوەی رووسیا سبەی بەشداری لە کۆبوونەوەی گرووپی پلاندانانی هاوبەشی تورک - رووس بکات کە تێیدا وەزیری دەرەوەی تورکیا مەولود چاوشئۆغڵوش بەشداری دەکات.