پێکدادان لە سنووری نێوان هیندستان و پاکستان

ئیسلاماباد- AA

بەهۆی تەقەکردنی سەربازانی هیندی لەسەر سنووری ناوچەی کشمیری نێوان پاکستان و هیندستان، حەوت سەربازی پاکستانی گیانیان لەدەستدا.

سوپای پاکستان بڵاویکردەوە لەسەر سنووری کردەیی نێوان هەردوو وڵات کە ناوچەی کشمیرە، لەئەنجامی تەقەی یەکە سەربازییەکانی هیندستان، حەوت سەربازی پاکستانی گیانیان لەدەستداوە.

لەروونکردنەوەکەی سوپای پاکستاندا ئاماژە بەوەشکراوە سەربازانی سوپای پاکستان وەڵامی تەقەکانیان داوەتەوە و پێگەکانی سوپای هیندستانیان بەشێوەیەکی کاریگەر کردووەتە ئامانج.

لەماوەی چەند هەفتەی رابردوودا بەهۆی پێشێلکردنی ئاگربەست لەلایەن هیندستانەوە، 25 هاووڵاتیی سڤیل گیانیان لەدەستدابوو، 103 هاووڵاتی دیکەش بریندارببوون.