پەیوەندی تەلەفۆنی نێوان ئەردۆغان و ئیلهام عەلیێڤ

ئیستانبوڵ - AA

سەرکۆماری تورکیا رەجەب تەیب ئەردۆغان، پەیوەندییەکەی تەلەفۆنی لەگەڵ سەرکۆماری ئازەربایجان ئیلهام عەلیێڤ، ئەنجام دا.

بە پێی هەواڵێکی سەرۆکایەتی کۆماری تورکیا، لە پەیوەندییە تەلەفۆنییەکەی نێوان ئەردۆغان و ئیلهام عەلیێڤدا پەیوەندییەکانی دوو لایەن و پەرەسەندنە ناوچەییەکان تاوتوێ کران.

ئەردۆغان رایگەیاند کە سەرکەوتنی ئازەربایجان لە پرسی قەرەباغ بوار بۆ سەقامگیری و ئاشتی لە ناوچەکەدا زیاتر خۆش دەکات و تورکیا لەم قۆناغەدا و بە هەموو توانایەکەوە لە پاڵ گەلی ئازەربایجان دەبێت بۆ بەدیهێنانی ئەم ئامانجە.

سەرکۆماری تورکیا هەروەها خۆشحاڵی خۆی بە دەستپێکردنی پرۆسەی چاککردنەوە و بونیاتنانەوەی ناوچەی قەرەباغ دەربڕی کە لە ژێر داگیرکاریی ئەرمەنییەکان رزگاری بووە.