یڵدرم سەردانی مزگەوتێکی مێژوویی لە سینگاپور کرد

سینگاپورە- AA

سەرۆکوەزیرانی تورکیا، بینالی یڵدرم سەردانی مزگەوتی بائالوی مێژوویی لە سینگاپور کرد .

لە کاتی گەیشتنیان بە مزگەوتەکە، بینالی یڵدرم و وەزیرەکانی یاوەری لە لایەن کاربەدەستانەوە، پێشوازییان لێکرا.

مزگەوتەکە لە لایەن خانەوادەی ئەلئەتتاسەوە و لەسەر شێوازی بیناسازی عوسمانیی لە ساڵی ١٩٥٤دا درووستکراوە.

لە میانی سەردانەکەیدا لە لایەن پێشنوێژی مزگەوتەکە، سەید حەسەن ئەلئەتتاسەوە زانیاریی سەبارەت بە مێژوو و پێکهاتەکانی مزگەوتەکە درایە یڵدرم.

هاوکات یڵدرم ئەو کۆکراوەیەی قورئانی پیرۆزی کە بە دەستوخەت نووسراوەتەوە لە مۆزەخانەی مزگەوتەکەدا بینی و پرسیاری لەبارەیەوە کرد.

دواتر سەرۆکوەزیرانی تورکیا لەگەڵ کارمەندانی مزگەوتەکەدا وێنەی گرت و تابلۆیەکی پێشکەشی مۆزەخانەی مزگەوتەکە کرد کە لە سەری نووسراوە ''هەموو موسوڵمانان بران''.