ئەردۆغان سەردانی پارێزگای ریزەی کرد

ریزە - AA

سەرکۆماری تورکیا، رەجەب تەیب ئەردۆغان سەردانی پارێزگای ریزەی کرد.

سەرکۆماری تورکیا، رەجەب تەیب ئەردۆغان لە گەیشتنیدا بە بینای پارێزگا لە لایەن پارێزگاری ریزە، ئەردۆغان بەکتاش-ەوە پێشوازیی لێکرا و لە چوونە ژوورەوەیدا سڵاوی لە تیمی پۆلیسیی پێشوازییکردن لێی، کرد.

لە کۆبوونەوەیەکیشدا کە ئەردۆغان لەگەڵ پارێزگاری ریزە ئەنجامیدا هەریەک لە وەزیری لاوان و وەرزش، عوسمان ئاشکن باک و وەزیری ناوخۆ، سولەیمان سۆیڵو و جێگری سەرۆکی گشتیی ئاک پارتی، حەیاتی یازجی ئامادەبوون و کۆبوونەوەکە بە شێوەیەکی داخراو بەڕێوەچوو و ماوەی یەک کاتژمێر و ٣٠ خولەکی خایاند.

ئەردۆغان لە کاتی جێهێشتنی بینای پارێزگادا، سڵاوی لەو هاووڵاتییانە کرد کە چاوەڕێیان دەکرد.