ترەمپ: "توركيا كار بۆ راگرتنى كۆمەڵكوژيی لە ئیدلب دەكات"

واشنتۆن - AA

سەرۆكى ئەمريكا، دۆناڵد ترەمپ داواى لە رووسيا، سووريا و ئيران كرد هێرشەكانيان بۆ سەر ئيدلب رابگرن و گوتى: "توركيا كار بۆ راگرتنى كۆمەڵكوژييەكە دەكات".

ترەمپ، لە رێى هەژمارى فەرميى خۆى لە تويتەردا، دەربارەى هێرشەكانى رژێمی سووريا، رووسيا و ئێران بۆ سەر ئيدلب توێتێكى بڵاوكردەوە.

سەرۆكى ئەمريكا دۆناڵد ترەمپ، لە تويتەكەيدا نووسيبووى: "رووسيا، سووريا و ئێران، لە ئيدلب هەزاران مرۆڤى بێتاوان دەكوژن و خەريكى كوشتنن، ئەمە مەكەن. توركيا كار بۆ راگرتنى ئەم كۆمەڵكوژييە دەكات".