داواکاریی ئەمریکا لە چین لەبارەی کۆریای باکوورەوە

نیویۆرک- AA

نوێنەری هەمیشەیی ئەمریکا لە نەتەوەیەکگرتووەکان، نیکی هالی داوای لە چین کرد لەدوای ئەوەی کۆریای باکوور لەم مانگەدا مووشەکێکی دوور مەودای تاقیکردەوە، هەنگاوی گرنگ لەو بارەیەوە بنێت.

نیکی هالی لە راگەیەنراوێکدا ئاماژەی بەوەکردووە بۆ لەمەودوا ئەمریکا داوای کۆبوونەوەی بەپەلەی ئەنجوومەنی ئاسایشی نەتەوەیەکگرتووەکان ناکات لە حاڵەتی تاقیکردنەوەی مووشەکی بالیستیی لە لایەن کۆریای باکوورەوە و جەختی لەوە کردووەتەوە ئەو کۆبوونەوانە هیچ ئەنجامێکیان لێناکەوێتەوە.

نیکی هالی ئاشکرایکردووە کە لە ئێستادا ئەنجوومەنی ئاسایش سزای بەسەر کۆریادا سەپاندووە و سزای نوێش لە لایەن ئەنجوومەنەکەوە، فشارە نێودەوڵەتییەکانی سەر ئەو وڵاتە زیاد ناکات و رایگەیاندووە ''ئیتر پێویستە چین بڕیار لەوە بدات کە هەنگاوێکی گرنگ لەو بارەیەوە نانێت. وادەی قسە و گفتوگۆ کۆتایی هاتووە. ئەوە ئاشکرایە کە رژێمی کۆریای باکوور هەڕەشەیە بۆ سەر ئاسایشی نێودەوڵەتی''.

نیکی هالی لە روونکردنەوەیەکیشدا کە لە ئەژماری خۆی لە تویتەر بڵاویکردبوویەوە، رایگەیاندبوو ''چیتر شتێک نەماوە سەبارەت بە کۆریای باکوور گفتوگۆی لەبارەوە بکرێت، پێویستە چین لەوبارەیەوە هەنگاو بێت. پێویستە ژاپۆن و کۆریای باشوور فشارەکان زیادبکەن، ئەمە تەنها کێشەی ئەمریکا نییە، بۆیە پێویستی بە چارەسەرێکی نێودەوڵەتییە''.

ئەمریکا ماوەیەکە لەگەڵ چین کە ئەندامی ئەنجوومەنی ئاسایشی نەتەوەیەکگرتووەکانە، تاوتوێی سەپاندنی سزای قورستر بەسەر کۆریای باکووردا، دەکەن.

روونکردنەوەکەی نیکی هالی لەدوای ئەوە هات کە لەبەرامبەر تاقیکردنەوەی مووشەکی بالیستیی کیشوەربڕ لە لایەن کۆریای باکوورەوە، فەرماندەیی هێزەکانی ئەمریکا لە زەریای هێمن، بە هاوەڵیی و بەشداریی هێزی ئاسمانیی ژاپۆن و کۆریا، فڕۆکەی B-1B کە توانای بۆردوومانی هەیە لە نمایشێکدا بەسەر نیوەدوورگەی کۆریادا، بەکارهێنا.

ئەنجوومەنی ئاسایشی نەتەوەیەکگرتووەکان بە هۆی بەرنامە ناوەکییەکەیەوە لە ساڵی ٢٠٠٦ەوە تا ئێستا سزای سەربازیی و ئابووری بەسەر کۆریای باکووردا سەپاندووە.