مەسعود بارزانی پێشوازیی لە عادل عەبدولمەهدی کرد

هەولێر - AA

سەرۆكی پێشووی هەرێمی کوردستان، مەسعود بارزانی پێشوازیی لە سەرۆكوەزیرانی پێشووی عێراق، عادل عەبدولمەهدی كرد.

بارەگای بارزانی بڵاویکردەوە کە لە دیدارێکدا، بارودۆخی سیاسیی عێراق و هەڵبژاردنەكانی داهاتووی عێراق و تەحەددیاتی بەردەم پڕۆسەی سیاسیی عێراق تاوتوێ كراوە.

راشیگەیاندووە کە لە میانی دیدارەکەدا، بیروڕا لەبارەی دوایین پێشهات و گۆڕانكارییەكان لەسەر ئاستی ناوچەكە ئاڵوگۆڕ كراوە.

دوێنێ یەکشەممە، عادل عەبدولمەهدی لە شاری سلێمانی لەگەڵ ھاوسەرۆکی یەکێتیی نیشتمانیی کوردستان، بافڵ تاڵەبانی کۆبووەوە.