وەزیری بەرگریی تورکیا و سەرۆکی ھەرێمی کوردستان کۆبوونەوە

میونخ - AA

وەزیری بەرگریی تورکیا، خولوسی ئاکار لەگەڵ سەرۆکی ھەرێمی کوردستان، نێچیرڤان بارزانی کۆبووەوە.

خولوسی ئاکار کە بەمەبەستی بەشدارییکردن لە کۆنفرانسی ئاسایشی میونخ لە ئەڵمانیایە، درێژە بە دیدار و کۆبوونەوەکانی دەدات.

وەزیری بەرگریی تورکیا لە میانی کۆنفرانسەکەدا، لە کۆربەندی سیاسەتەکانی بەرگریی و نوێکاریی گوتارێکی پێشکەش کرد و پاشانیش لەگەڵ سەرۆکی ھەرێمی کوردستان، نێچیرڤان بارزانی کۆبووەوە.

لە میانی کۆبوونەوەکەدا تاوتوێی پەیوەندییە دووقۆڵییەکانی نێوان تورکیا و ھەرێمی کوردستان، دەستەبەرکردنی ئاشتی و سەقامگیریی لە ناوچەکە کراوە.

ئاکار لە کۆبوونەوەکەدا جەختی لە گرنگی ھەماھەنگی لە بەرەنگاربوونەوەی تیرۆر کردەوە و باسی لە پێداگریی تورکیا لە کۆتایھێنان بە تیرۆر کرد.