کۆبوونەوەی بارزانی و چاوشئۆغڵو

هەولێر - AA

سەرۆکی ھەرێمی کوردستان، مەسعود بارزانی پێشوزای لە وەزیری دەرەوەی تورکیا، مەولود چاوشئۆغڵو کرد.

ئێوارەی ئەمڕۆ وەزیری دەرەوەی تورکیا، مەولود چاوشئۆغڵو گەیشتە ھەولێری پایتەختی ھەرێمی کوردستان و لە لایەن وەزیری ناوخۆ، کەریم سنجاری و بەرپرسی فەرمانگەی پەیوەندییەکانی دەرەوەی ھەرێمی کوردستان فەلاح مستەفا و کۆنسۆڵی گشتی تورکیا لە ھەرێمی کوردستان، محەمەد ئاکیف ئینام پێشوازی لێکرا.

چاوشئۆغڵو ئەمڕۆ بەیانی گەیشتە بەغدا و لە میانی سەردانەکەیدا، لەگەڵ ھەریەک لە سەرکۆماری عێراق، فوئاد مەعسوم و سەرۆکوەزیران حەیدەر عەبادی و سەرۆکی ئەنجوومەنی نوێنەران، سەلیم جبووری و وەزیری دەرەوەی عێراق، ئیبراھیم جەعفەری و پەرلەمانتار و سیاسییە تورکمانەکاندا، کۆببوویەوە.