بەرهەم ساڵح: "بە هیوای تێپەڕاندنی ئاستەنگانی ئەمڕۆ، و جێگیربوونی دادپەروەریی"

هەولێر - AA

سەرکۆماری عێراق، بەرهەم ساڵح هیوای خواست جەژنی قوربان ببێتە هۆکاری تێپەڕاندنی گرفت و ئاستەنگان و جێگیر بوونی دادپەروەریی و خۆشگوزەرانی و ئاسوودەیی بۆ هاووڵاتییان.

بەرهەم ساڵح، بەبۆنەی هاتنەوەی جەژنی قوربانی پیرۆزەوە، لە پەیجی تایبەتی خۆی لە تۆڕی کۆمەڵایەتی تویتەر پەیامێکی پیرۆبایی بڵاوکردەوە.

سەرکۆماری عێراق نووسیوویەتی:

"جەژنی قوربانتان پیرۆز. خۆتان و کەسوکار هەر لە جەژنان بن، و بە هیوای تێپەڕاندنی گرفت و ئاستەنگانی ئەمڕۆ، و جێگیربوونی دادپەروەریی و خۆشگوزەرانی و ئاسوودەیی بۆ هاووڵاتییان".