عێراق.. کوژرانی سێ گەورە تیرۆریستی داعش

بەغدا ـ AA

بەرپرسێکی ئەمنی عێراقی رایگەیاند کە لە ھێرشێکدا لە باکووری رۆژئاوای پارێزگای دیالە، سێ گەورە تیرۆریستی داعش کوژراون.

سەرۆکی لیژنەی ئەمنی لە ئەنجوومەنی پارێزگای دیالە، سادق حوسەینی لە لێدوانێکی رۆژنامەوانییدا گوتی: "سێ گەورە تیرۆریستی سەربە بەناو ویلایەتی دیالەی رێکخراوی داعش لە ئەنجامی ھێرشێکدا بۆسەر داعش لە ناوچەیەکی سنووری نێوان پارێزگای دیالە و سەڵاحەددین، کوژراون".

سادق حوسەینی ئەوەشی گوت "بۆردومانکردنی داعش و کوشتنی سێ گەورە تیرۆریستەیان لەسەر بنەمای زانیاری ھەواڵگیری ورد بووە".

کوژرانی ئەو سێ گەورە تیرۆریستەی سەربە داعش لە کاتێکدایە کە تیرۆریستەکانیان لەم ماوەیەی دواییدا ھێرش و پەلامارەکانیان لەو ناوچانەوە زیاتر کردووە.