کەرکووک.. دەستبەسەرداگرتنی ژمارەیەک پارچە چەک و بڕێک تەقەمەنی

ھەولێر ــ AA

ھێزەکانی پۆلیسی فیدراڵی لە ئۆپەراسیۆنێکدا لە باشووری رۆژئاوای پارێزگای کەرکووک، دەستیان بەسەر ژمارەیەک چەک و بڕێک تەقەمەنییدا گرت.

فەرماندەیی پۆلیسی فیدراڵی لە راگەیەنراوێکدا ئاماژەی بەوەداوە کە ھێزەکانی پۆلیسی فیدراڵی، ئۆپەراسیۆنێکی گەڕان و پشکنیان بە ئامانجی پاکسازیکردنی ناوچەکانی سەربە قەزای حەویجە باشووری رۆژئاوای پارێزگای کەرکووک ئەنجامداوە.

بەپێی راگەیەنراوەکە لە میانی ئۆپەراسیۆنەکەدا، دەستبەسەر ١١ گولـلەی ئاڕ بی جی، ١٢٠ قەوانی ھاون، گولـلە تۆپێک و چەکێکی بازوکادا گیراوە و ھاتووە:

"چەک و تەقەمنییەکان لەلایەن تیمی ئەندازیاریی سەربە پۆلیسی فیدراڵی دوای ھەڵگرتنەوەیان، لەناوبراون".