کەرکووک.. پەلامارێک کوژرانی سێ پۆلیسی فیدراڵیی لێکەوتەوە

ھەولێر ــ AA

لە ئاکامی پەلامارێکی چەکداریی بۆسەر خاڵێکی ھێزەکانی پۆلیسی فیدراڵیی لە باشووری رۆژئاوای پارێزگای کەرکووک، سێ پۆلیس کوژران و یەکێکی دیکەیش برینداربوو.

ئەفسەرێک لە پۆلیسی کەرکووک بە ئاژانسی ئانادۆڵوی رایگەیاند، ژمارەیەک چەکدار کە گومان دەکرێت سەربە رێکخراوی تیرۆریستیی داعش بووبن ھێرشیانکردووەتە سەر خاڵێکی ھێزەکانی پۆلیسی فیدراڵیی لە ناحیەی رەشاد باشووری رۆژئاوای پارێزگای کەرکووک.

ئەفسەرەکە ئاماژەی بەوەیشدا کە لە ئاکامی ھێرشەکەدا، سێ پۆلیس کوژراون و یەکێکی دیکەیش برینداربوو.