ئاو و خۆراك، خه‌می یه‌كه‌می مووسڵاوییه‌كان

نەینەوا

له‌ مووسڵ، دووه‌م گه‌وره‌ترین شاری عێراق كه‌ سه‌رچاوه‌ی شارستانییه‌ته‌كه‌یه‌تی، داعش خه‌لافه‌ته‌كه‌ی به‌ره‌و له‌ناوچوون ده‌چێت و هێزه‌كانی عێراق سوورن له‌سه‌ر ده‌رپه‌ڕاندنی له‌و شاره‌ی ماوه‌ی نزیك به‌ دوو سال و نۆ مانگ ده‌بێت به‌ده‌ستییه‌وه‌یه‌تی و به‌ پایته‌ختی خه‌لافه‌ته‌كه‌ی ناوزه‌ندی كردووه‌، خه‌لك له‌وپه‌ڕی بێزاری و نه‌هامه‌تیدان.

- بۆ هه‌ر كوێیه‌ك ده‌چیت ئاو و خۆراك خه‌می سه‌ره‌كیی مووسڵاوییه‌كانه‌.

لێره‌ داعش هێنده‌ ژیانی ئه‌سته‌م كردووه‌، خه‌ڵكی له‌پاڵ پاراستنی گیانییان خه‌می پارووه‌ نانییانه‌ بۆ منداڵه‌كانییان، ئیدی گه‌وره‌ و بچووك، پیاوی به‌ته‌مه‌ن و منداڵیش ئه‌وانه‌ی گوللـه‌كان و بۆمبه‌كان نه‌یکوشتوون هه‌ر خه‌می ئاو و نانییانه‌ بۆ ئه‌وه‌ی له‌ ژیان بمێننه‌وه‌، خه‌ڵكی ئه‌م شاره‌ وه‌كو ئه‌وه‌ی له‌ زیندانی هه‌ڵاتبن ته‌واو شه‌كه‌ت و ماندوون.