مووسڵ.. گەڕانەوەی ٦ هەزار ئاوارەی دیكە

نەینەوا ــ AA

لە چوارچێوەی پلانی گەڕانەوەی ئارەزوومەندانەی وەزارەتی كۆچ و كۆچبەران، لەماوەی پێنج رۆژی رابردوودا، ٦ هەزار ئاوارە گەڕاونەتەوە ناوچە كۆنتڕۆڵكراوەكانی رۆژهەڵاتی مووسڵ.

لە ٩ی ئەم مانگەدا وەزارەتی كۆچ و كۆچبەرانی عێراق رایگەیاند، ژمارەی ئەو ئاوارانەی كە گەڕاونەتەوە ناوچە كۆنتڕۆڵكراوەكانی رۆژهەڵاتی مووسڵ گەیشتووەتە، ٦٠ هەزار كەس.

ئەندامی كۆمەڵەی مانگی سووری عێراقی، ئەیاد رافد بەئاژانسی ئانادۆڵوی راگەیاند كە هێزەكانی ئەمنی و تیمەكانی فریاگوزاری سەربە وەزارەتی كۆچ و كۆچبەران بەردەوامن لە رێكخستن و رایکردنی پڕۆسەی گەڕانەوەی ئاوارەكانی مووسڵ لە كەمپەكان بۆسەر ماڵ و خۆیان.

ئەیاد رافد گوتیشی: "لە ماوەی پێنج رۆژی رابردوودا، ٦ هەزار ئاوارەی مووسڵ كە زۆربەیان منداڵ و ئافرەتن كەمپەكانیان لە نزیك شارەكە جێهێشتووە و گەڕاونەتەوە سەر ماڵ و حاڵی خۆیان".