Sarp Özer
09 Октомври 2023•Ажурирај: 10 Октомври 2023
АНКАРА (АА) - САРП ОЗЕР -
Турските вооружени сили утре од Италија ќе ја преземат командната улога на мировните сили на НАТО на Косово (КФОР), јавува Анадолу.
Мисијата на КФОР на Косово беше стартуваше на 12 јуни 1999 година со одлука на Советот за безбедност на Обединетите нации и во неа учествуваат речиси 4.500 војници од 27 земји, вклучително 21 членка на НАТО и шест земји надвор од таа организација.
На 10 октомври минатата година Италија ја презеде командната улога на КФОР од Унгарија, а утре таа улога ќе ја преземе Туркије.
Министерството за одбрана на Туркије, кое го има вториот по големина контингент во КФОР, соопшти дека КФОР е една од најважните мисии за зачувување на мирот и стабилноста на Балканот.
„Од формирањето на КФОР, Туркије придонесува во таа мисија. Со дополнителните оперативни сили ние сме еден од столбовите на таа мисија“, наведоа од Анкара.
Туркије има силни културни и историски врски и смета дека мисијата на КФОР сè уште е неопходна со оглед на нејзината клучна улога за мир. Туркије најави продолжување на поддршката за таа мисија.
