Потрошувачката инфлација во еврозоната во август се зголеми на рекордни 9,1 отсто

БРИСЕЛ (АА) - Годишната потрошувачка инфлација во еврозоната во август се зголеми на рекордни 9,1 отсто, јавува Агенција Анадолија (АА).

Заводот за статистика на Европската Унија (Евростат) објави нов извештај во кој се наведува дека инфлацијата од август го надмина минатомесечниот рекорд од 8,9 отсто и се зголеми на 9,1 отсто.

Се очекува дека енергијата ќе има најголем годишен раст од 38,3 отсто, потоа храната, алкохолот и тутунот (10,6 отсто), неенергетските индустриски производи (5 отсто) и услугите (3,8 отсто).

Базната инфлација, која не ги вклучува енергијата, храната, алкохолот и тутунот, се зголеми во земјите од еврозоната на 4,3 отсто во август, а во јули изнесуваше 4 отсто.