Michael Gabriel Hernandez
15 Април 2023•Ажурирај: 19 Април 2023
ВАШИНГТОН (АА) - Минеаполис стана првиот голем град во Соединетите Американски Држави кој дозволи сите пет муслимански повици за молитва, езани, да се пуштаат на звучници, јавува Анадолу.
Градскиот совет на Минеаполис изгласа едногласно со 12:0 да се дозволи пуштање езан во џамиите и покрај важечките прописи за бучава.
Муслиманската застапничка група, Советот за американско-исламски односи (КАИР) во Минесота ја оцени одлуката „историска победа за верската слобода и плурализмот“.
„Им благодариме на членовите на Градскиот совет на Минеаполис што го дадоа овој одличен пример и ги повикуваме другите градови да го следат“, рече директорот на Советот за американско-исламски односи, Џејлани Хусеин.
Минеаполис минатата година ги ограничи времето кога може да се пушта езанот и јачината на звукот, наведува Си-би-ес њуз.
Се очекува градоначалникот Џејкоб Фреј да го потпише законот во рок од една недела, наведува весникот „Минеаполис стар-трибјун“.
