Трамп: Карантинот не го спречува пренесувањето на Ковид-19, штетата од овaа метода е поголема од нејзиниот ќар

ВАШИНГТОН

Американскиот претседател Доналд Трамп изјави дека карантинските мерки преземени против новиот вид на коронавирус не го спречуваат ризикот од идни заразувања, јавува Агенција Анадолија (АА).

Трамп на прес-конференцијата во Белата куќа одговараше на прашањата на новинарите за актуелните случувања, првенствено за пандемијата на Ковид-19.

Тој потсети дека епидемијата на Ковид-19 е и понатаму е многу активна во одредени делови на земјата и ги повика граѓаните да продолжат да бидат внимателни.

„Сите Американци би требале да знаат дека карантинот не е одржлива метода за постигнување на саканиот резултат. Штетата на оваа метода е поголема од нејзината корист“, наведе Трамп.

Истакнувајќи дека епидемијата е повторно во подем во многу делови од светот, Трамп изјави:

„Карантинот не го спречува идното пренесување на Ковид-19. Целта на овие карантини беше да се добие време за изградба на капацитети, особено болници против вирусот, учење повеќе за болеста, развивање вакцини и лекување“, изјави Трамп.