Турција ќе биде домаќин на Меѓународниот саем на игри „ГејмИкс“

ИСТАНБУЛ (АА) - Турската метропола Истанбул од 5 до 8 септември ќе биде домаќин на „ГејмИкс“ (GameX), Меѓународниот саем за дигитални игри, јавува Аnadolu Agency (AA).

Саемот нуди широк спектар на содржини, меѓу кои и турнири, искуства со виртуелната реалност, трки со дронови и роботи, перформанс со костуми, како и голем број компјутерски игри, мобилни платформи и видеоигри.

Оваа година саемот ќе се одржи во Конвенцискиот и саемски центар (TUYAP) во истанбулската крајбрежна населба Бујукчекмеџе, на европската страна на градот.

Саемот ќе биде домаќин на изработувачи на игри, издавачи на игри и брендови од индустријата за видеоигри.

Покрај останатото, ќе бидат организирани и турнири во киберспортови, сесии за автограми, простор за индивидуални автори, конференции, работилници и други активности во рамки на таа заедница.

Овој саем кој има голема посетеност, е еден од најголемите фестивали во Источна Европа, Блискиот Исток и Африка.

На саемот, кој од 2000 година бил домаќин на над 2,5 милиони посетители, ќе се стави акцент и на унапредувањето на индустријата на дигитални игри.