Полицијата во Истанбул заплени тон марихуана, приведени се седум лица

ИСТАНБУЛ (АА) - Полицијата во центарот на Истанбул утринава заплени тон марихуана и приведе седум осомничени лица, јавува Anadolu Agency (AA).

Врз основа на разузнавачки сознанија, полицијата утринава пресретнала шлепер кој од Дијарбакир пренесувал суровина за производство на пластика.

Пресретнувањето на камионот е извршено во населбата Пендик, а специјалните кучиња трагачи меѓу 12-те тони суровина за пластика пронајдоа и тон скриена марихуана.

Првичните резултати на истрагата укажуваат на тоа дека марихуаната била наменета за црниот пазар во Истанбул.

Полицијата приведе седум осомничени лица, меѓу кои и возачот на камионот, а сите се предадени на надлежните органи за понатамошно процесуирање.