Ayşe İrem Çakır
09 Декември 2025•Ажурирај: 10 Декември 2025
АНКАРА (АА) - Американската администрација откажала 85.000 визи во сите категории од јануари досега, известува Анадолу.
Претставник на американскиот Стејт департмент зборуваше за „Си-ен-ен“ (CNN) во врска со откажувањата на визите во земјата.
Тој истакна дека приближно 85.000 визи во сите категории се откажани од јануари оваа година, посочувајќи дека повеќе од 8.000 од овие откажувања вклучуваат студентски визи.
Бројот на откажувања на визи оваа година е повеќе од двојно поголем од минатата година.
- Администрацијата на САД ги заострува барањата за виза
Државниот секретар на САД, Марко Рубио, на 27 март објави дека се поништени визите на најмалку 300 странски студенти, за кои тој тврди дека „го поддржуваат Хамас“.
Во август, Стејт департментот објави дека разгледува случаи на повеќе од 55 милиони луѓе со важечки визи за прекршување на прописите за имиграција што би можело да доведе до поништување на визата или нивна депортација.
По ова, во октомври, беше објавено дека визите на шест странци се поништени поради нивните објави за републиканскиот активист Чарли Кирк, кој во вооружен напад беше убиен на 10 септември.
