Американскиот сенатор Сандерс повика неговата земја да ја прекине воената поддршка за Израел

АНКАРА (АА) - Американскиот сенатор Берни Сандерс изјави дека е потребно да запре воената помош на неговата земја за Израел, известува Анадолу.

Во објавата на платформата за социјални медиуми на американската компанија X, Сандерс истакна дека Израел уби повеќе од 1.000 Палестинци на Западниот Брег од октомври 2023 година.

Истакнувајќи дека Израел секојдневно извршува напади врз регионот, целта на израелскиот премиер Бенјамин Нетанјаху и неговите сојузници Сандерс ја оцени како „анексија со сила“.

„САД им ја обезбедија оваа можност. Повеќе не треба да има американска воена помош за Израел“, наведе Сандерс.

Од октомври 2023 година кога Израел ја започна својата офанзива во Појасот Газа, има зголемување на приведувања, рации и напади насочени кон Палестинците на окупираниот Западен Брег и во Источен Ерусалим.

Според податоците од Советот против ѕидот на разделбата и еврејските населби, поврзан со Палестинската ослободителна организација (ПЛО), 1.080 Палестинци се убиени, а приближно 11.000 се повредени во интензивираните напади од страна на израелската армија и Израелците кои ги узурпираа палестинските земјишта во Источен Ерусалим и на Западниот Брег од октомври 2023 година.