Во експлозија на автомобил-бомба во сирискиот град Азаз загинаа 4 лица, 20 се повредени

АЗАЗ (АА) - Најмалку четири лица загинаа, а 20 се повредени доцна синоќа во напад со автомобил-бомба што го потресе полниот пазар во северниот сириски град Азаз, јавува Анадолу.

Нападот во срцето на пазарот во Азаз беше во област контролирана од опозициските сили.

Првичните проценки ја третираат експлозијата како терористички напад.

По нападот, повредените се пренесени во болницата во Азаз, додека безбедносните сили ги засилија безбедносните мерки во околината.

Безбедносните сили започнаа истрага за нападот, за кој засега ниту една група не ја презеде одговорноста.