Во Сирија почнува втората кампања за вакцинација против детска парализа

ТЕЛ АБЈАД

На северозападот на Сирија е започната втората кампања за вакцинација против детска парализа на речиси 45.000 деца, пренесува Агенција Анадолија (АА).

Шестдневната кампања се спроведува во координација со локалните власти и Сирискиот центар за поддршка и координација (SUDKOM), како и со канцеларијата на гувернерот на турската југоисточна област Шанлиурфа.

Децата во регионите Тел Абјад и Рас ал-Ајн, кои се исчистени од терористите во операцијата „Извор на мирот“, ќе бидат вакцинирани.

Доктор Хасан Асаф, шефот на здравствениот кабинет во Тел Абјад, за АА рече дека децата помеѓу една и пет години ќе бидат вакцинирани во домовите на здравје или од мобилните здравствени тимови.

Асаф рече дека тимовите ќе одат од врата до врата и ќе обезбедат сите деца да имаат корист од кампањата. Вакцините се сигурни и се одобрени од Светската здравствена организација.

Првата акција во борбата против детската парализа на тоа подрачје беше поддржана од страна на СУДКОМ, а спроведена е минатиот октомври.