Во сообраќајна несреќа во Перу загинаа 10 лица

БОГОТА (АА) - Најмалку 10 лица загинаа, а 9 се повредени кога патнички минибус се судри со камион во јужноамериканската држава Перу, известува Анадолу.

Во несреќата што се случи на Панамериканскиот јужен автопат во градот Арекипа, патнички минибус се судрил со камион што доаѓал од спротивната насока.

Во несреќата загинаа 10 лица, вклучувајќи и две деца, а 9 лица се повредени, од кои некои се во тешка здравствена состојба.

Во тек е истрага за откривање на причините за несреќата.