Rahmi Gündüz
15 Мај 2016•Ажурирај: 16 Мај 2016
ПАРИЗ (АА) - Најголемиот патнички брод на светот "Harmony of the Seas" денес од француското пристаниште Сен Назар заплови на отворено море, јавува Anadolu Agency (AA).
Бродот се упати кон градот Саутхемптон, Велика Британија.
На свечената церемонија за впловувањето на бродот присуствуваа околу 40.000 луѓе.
"Harmony of the Seas" е долг 362, широк 66, висок 73 метри и тежок 227.000 тони. Бродот го градеа 2.500 работници на фирмата "STX France". Градењето траеше 32 месеци, односно десет милиони работни часа.
Бродот кој има 16 палуби и може да превезува 6.360 патници и 2.100 членови на екипажот, на крстарењето низ Медитеранот ќе го користи американската компанија "Royal Caribbean".
На бродот има базени, кина, казина, парк, театар, воден тобоган и многу други објекти.
