Германија: Двајца полициски службеници застрелани за време на запирање возило

БЕРЛИН (АА) - Двајца полициски службеници се застрелани и убиени при запирање на возило во југозападна Германија, соопштија властите, пренесува Агенција Анадолија (АА).

Пукањето се случило денес во моментите кога полицајците запреле возило во малиот град Кусел во раните утрински часови, се вели во соопштението на локалната полиција.

Убиени во престрелката се 24-годишна полицајка и 29-годишен полицаец.

Полицијата соопшти дека во тек е интензивна потрага по осомничените, кои по пукањето избегале на непозната локација.