Германија: Уапсено лицето осомничено за убиство на гувернерот на Касел

БЕРЛИН (АА) - Во Германија е уапсено лице за кое постојат сомнежи дека пред две недели го усмртило гувернерот на Касел, Валтер Либке, пренесува Anadolu Agency (AA).

Од Обвинителството на Касел е соопштено дека во заедничката акција со припадниците на безбедносните сили во Хесен, организирана за време на викендот, е уапсено 45-годишно лице.

Германските медиуми пишуваат, како што упатуваат доказите, дека станува збор за екстремен десничар.

Гувернерот Либке на 2 јуни е пронајден мртов во дворот на куќата, а закопан е минатата недела.