Голем воен брод беше забележан утринава во близина на Глобалната флотила „Сумуд“

ИСТАНБУЛ (АА) - Голем воен брод беше забележан утринава во близина на Глобалната флотила „Сумуд“ што се движи кон Газа, а организаторите објавија состојба на висока готовност на морето, јавува Анадолу.

Кратко време немаше контактот со бродот „Алма“, но повторно е воспоставен, изјави дописникот на „Ал Џезира“ од флотилата.

Според дописникот, израелски брод се приближил на само пет стапки од „Алма“, водечки брод во флотилата, и ги блокирал сите негови комуникациски системи, како и неговиот мотор, со што го направил нефункционален.

Тој додаде дека учесниците на бродот „Алма“ ги фрлиле своите телефони во морето во согласност со утврдените безбедносни протоколи.

Подоцна дописникот објави дека израелскиот брод ја напуштил областа, дозволувајќи ѝ на флотилата да го продолжи патот кон бреговите на Појасот Газа.

Флотилата, која плови за да се спротистави на израелската блокада на Газа, објави дека нејзините бродови сега се наоѓаат на околу 121 наутичка милја (225 километри) од опколената енклава.