БРИСЕЛ (АА) - Европската комисија (ЕК) денеска препорача кандидатски статус за Украина и Молдавија, јавува Агенција Анадолија (АА).
Украина мора да се заложи за спроведување на владеењето на правото, борбата против корупцијата и реформите во судството, но одобрението треба да биде дадено со симболичен гест со кој ќе се потврди нејзината европска перспектива поради руската закана.
„Украина веќе презеде значителни чекори за да стане целосно функционална економија на ЕУ“, рече претседателката на Европската комисија, Урсула фон дер Лајен.
Таа додаде дека Украина има „силна парламентарна претседателска демократија“, функционална администрација и енергично граѓанско општество.
„Украина заслужува европска перспектива, треба да биде дочекана како земја кандидат, но има уште важна работа која треба да се заврши. „Украинците се подготвени да умрат за европската перспектива, ние сакаме тие да живеат со нас“, напиша Фон дер Лајен на Твитер.
„Извршната власт на ЕУ, исто така, препорачува европска перспектива и кандидатски статус за Молдавија, земајќи ги предвид преземените чекори на многу полиња“, рече Фон дер Лајен.
За Грузија, Комисијата препорача да ѝ се даде можност да стане членка на Европската Унија.
„Кандидатскиот статус треба да се обезбеди кога ќе се исполнат голем број приоритети“, рече претседателката на ЕК.
Врз основа на препораката од Европската комисија, земјите членки треба анонимно да одлучат дали да започне процесот на пристапување.
Лидерите на ЕУ ќе разговараат за кандидатскиот статус на Самитот на 23 и 24 јуни.
По позитивните сигнали од лидерите на трите најголеми членки на блокот - Германија, Франција и Италија - за време на посетата на Киев вчера, многу е веројатно дека Украина ќе добие „зелено светло“.
Сепак, може да потрае дури една деценија за да стане полноправна членка на европскиот блок.
Само четири дена откако Русија започна војна против Украина на 24 февруари, претседателот Владимир Зеленски официјално го потпиша барањето на државата за пристапување во ЕУ.
Инспирирани од барањето на Украина, Грузија и Молдавија исто така ги поднесоа своите апликации за членство на 3 март.
Европската комисија ја изнесе оценката за кандидатурата за ЕУ со невидена брзина поради војната во Украина.
