Експерт за тероризам на норвешки универзитет за одбрана: „Шведска е засолниште за терористите веќе 30 години“

СТОКХОЛМ (АА) - Шведска е засолниште за терористите веќе 30 години, изјави Магнус Рансторп, експерт за тероризам на норвешкиот Универзитет за одбрана, пренесува Агенција Анадолија (АА).

Рансторп за шведскиот весник „Афтонбладет“ (Aftonbladet) го коментира Тројниот меморандум потпишан од страна на Туркије, Финска и Шведска на Самитот на НАТО во Мадрид на 28 јуни оваа година.

Посочувајќи дека е експерт за тероризам веќе 30 години, Рансторп истакна: „Во изминатиот период, Шведска стана рај за терористите. Таа стана профитабилна за терористите. Заработија пари, си го водеа бизнисот без да бидат вознемирувани. Туркије повеќепати побара од Шведска да биде јасна во борбата против терористите на својата територија. Туркије има право за ова прашање.“

Рансторп кој го смета за праведен приговорот на Туркије за активностите на терористите во Европа, истакна дека Туркије е во право што се жали на активностите на терористичките групи во Шведска и во други европски земји.

„Ќе помине време додека членството во терористички организации во Шведска ќе се смета за криминал, многу се задоцни во преземањето мерки за претпазливост“, заклучи Рансторп.