Ердоган и Ал Тани разговараа за Газа и за други регионални прашања

АНКАРА (АА) - Претседателот на Туркије, Реџеп Таип Ердоган, разговараше телефонски со емирот на Катар, шеикот Тамим бин Хамед ал Тани за низа регионални теми, вклучително и ситуацијата во Појасот Газа, известува Анадолу.

Дирекцијата за комуникации на турското Претседателство објави дека Ердоган и Ал Тани разговарале за односите меѓу Туркије и Катар, за глобалните и регионалните прашања, нападите на Израел врз Газа и хуманитарната криза во блокираната палестинска енклава.

Ердоган рекол дека исламскиот свет треба да ги засили напорите со обединетост да се запрат бруталните напади на Израел и да има казни за злосторствата против човештвото.

Турскиот претседател навел дека од витално значење е да се запре Израел колку што е можно поскоро и да се дејствува разумно за да се спречи ширење на тензиите во регионот.

Во текот на разговорот претседателот Ердоган и катарскиот емир Ал Тани размениле честитки по повод изминатиот Рамазан Бајрам.