Handan Kazancı
10 Ноември 2020•Ажурирај: 10 Ноември 2020
МОСКВА (АА) - Премиерот на Ерменија денес истакна дека одлуката за потпишување на договорот за крај на конфликтот во регионот на Нагорно Карабах била многу тешка, пренесува Агенција Анадолија (АА).
Преку социјалните мрежи, Никол Пашинјан рече дека одлуката е донесена по длабока анализа на воената состојба и по проценка на луѓето што имаат познавања за тоа.
Во Ерменија избија протести откако Пашинјан го призна поразот со потпишување на договорот со Азербејџан и Русија за запирање на борбите за Нагорно Карабах.
Демонстрантите се собраа пред Владата во главниот град Ереван, кршеа прозорци и извикуваа пароли против Пашинјан.
Рускиот претседател, Владимир Путин, претходно објави дека Азербејџан и Ерменија потпишале договор.
Односите меѓу двете поранешни советски републики околу регионот Нагорно Карабах се тензични од 1991 година, но на 27 септември започнаа нови судири.
Оттогаш, Ерменија континуирано вршеше напади врз азербејџанските цивили и трупи, прекршувајќи на тој начин три договори за хуманитарен прекин на огнот.
Околу 20 отсто од територијата на Азербејџан е под нелегална ерменска окупација речиси три децении.
