Израел гo демолира седиштето на Агенцијата на ОН во Источен Ерусалим

ЕРУСАЛИМ / ИСТАНБУЛ (АА) – Израелските сили и крајно десничарскиот министер за национална безбедност Итамар Бен-Гвир денес упаднаа во затвореното седиште на Агенцијата на ОН за палестински бегалци (УНРВА) во Источен Ерусалим и гo демолираа, изјавија очевидци, јавува Анадолу.

Очевидците за Анадолу изјавија дека израелски екипи, придружени од најмалку еден булдожер, влегле во комплексот што се наоѓа во населбата Шеик Џарах и ги срушиле мобилните и трајните објекти на локацијата.

Тие додадоа дека израелските сили го кренале израелското знаме над комплексот, заменувајќи го знамето на ОН.

Арје Кинг, израелски заменик-градоначалник на Ерусалим, во објава на американската платформа за социјални медиуми X ја нарече УНРВА „нацист“ и рече дека нејзиното отстранување од Ерусалим е во тек по протестите и притисокот.