Израелски функционер изјави дека договорот за прекин на огнот во Газа би можел да биде постигнат до крајот на годината

КУДС (ЕРУСАЛИМ) - Висок израелски функционер кој сакаше да остане анонимен верува дека договорот за прекин на огнот и размена на заложниците во Газа меѓу Хамас и Израел би можел да биде постигнат до крајот на оваа година, известува Анадолу.

Според Канал 12, неименуван висок израелски функционер изјавил дека договорот за прекин на огнот и размена на заробениците би можел да биде постигнат како дел од тековните индиректни преговори меѓу Хамас и Израел до крајот на декември.

Израелскиот функционер тврди дека распоредот што го поставиле американските власти за постигнување договор за прекин на огнот и размена на заложници во Газа не е невозможен.

„Секој ден има бавен напредок“, рече истиот извор.

Американскиот советник за национална безбедност, Џејк Саливан, на прес-конференција на 12 декември изјави дека верува оти договор за прекин на огнот и размена на заробениците би можел да биде постигнат до крајот на месецот.